ក្នុងចំណោមកុមារដែលមានអាយុពី 12-17 ឆ្នាំ ដែលប្រើប្រាស់អ៊ីនធឺណិតនៅក្នុងប្រទេសកម្ពុជា កុមារ លើសពី 1រូប ក្នុងចំណោម 10រូប (ស្មើនឹង 11%) បានជួបប្រទះនូវការកេងប្រវ័ញ្ចផ្លូវភេទលើអ៊ីនធឺណិត ឬការរំលោភបំពាន ដូចជាការចែករំលែករូបភាព ឬវីដេអូអាក្រាត ដោយគ្មានការអនុញ្ញាត ឬសកម្មភាពផ្លូវភេទដោយបង្ខិតបង្ខំ។
ប្រសិនបើអ្នក ឬនរណាម្នាក់ដែលអ្នកស្គាល់បានជួបប្រទះការកេងប្រវ័ញ្ច ឬការរំលោភបំពានលើអ៊ីនធឺណិត អ្នកអាចរាយការណ៍វានៅទីនេះ។
ហេតុអ្វីបានជាការរាយការណ៍របស់អ្នកមានសារៈសំខាន់?
ការរាយការណ៍របស់អ្នក នឹងក្លាយជាផ្នែកនៃចលនាបញ្ឈប់ការរំលោភបំពាន ជួយអ្នកដទៃ ការពារការកេងប្រវ័ញ្ចបន្ថែមទៀត និងបង្កើតកន្លែងសុវត្ថិភាពលើអ៊ីនធឺណិតសម្រាប់មនុស្សគ្រប់គ្នា។
ដើម្បីគាំទ្រ និងលើកទឹកចិត្តដល់សកម្មភាពប្រកបដោយអត្ថន័យ ក្រុមហ៊ុន Smart កំពុងសហការជាមួយអង្គការ APLE Cambodia លើបេសកកម្មរួមគ្នាដើម្បីការពារកុមារពីការកេងប្រវ័ញ្ចផ្លូវភេទ និងការរំលោភបំពាន តាមរយៈការចូលរួមគ្នា លើកកម្ពស់ការយល់ដឹង និងអាចស្វែងរកបាននូវបណ្តាញរាយការណ៍លើបញ្ហានេះ។
ខាងក្រោមនេះជាអ្វីដែលអ្នកអាចចូលរួមរាយការណ៍បាន៖
- សម្ភារៈរំលោភបំពានផ្លូវភេទកុមារ
- ការល្បួងកុមារក្នុងចេតនាមិនល្អ
- ការគំរាមកំហែងចែករំលែករូបភាពអាក្រាតរបស់កុមារតាមអ៊ីនធឺណិត
- ការផ្សាយបន្តផ្ទាល់នៃការកេងប្រវ័ញ្ចផ្លូវភេទលើកុមារ
- ការបំពានផ្លូវភេទលើកុមារ ឬការរំលោភផ្លូវភេទ
អ្នកអាចស្វែងយល់បន្ថែមអំពី សកម្មភាពអង្គការ APLE និងរាយការណ៍អំពីករណីខាងលើនៅលើគេហទំព័រ APLE Cambodia។
មានសំណួរបន្ថែម? អ្នកអាចចូលមើល FAQs របស់យើង។