Smart Logo
របាយការណ៍ចីរភាពឆ្នាំ 2023​

របាយការណ៍ចីរភាពឆ្នាំ 2023​

ថ្ងៃទី 30 សីហា 2023

ក្នុងនាមជាក្រុមហ៊ុនផ្ដល់សេវាកម្មទូរគមនាគមន៍ និងដំណោះស្រាយ ICT​ ឈានមុខគេ យើងប្ដេជ្ញាជំរុញការផ្លាស់ប្ដូរវិជ្ជមានដែលផ្ដល់អត្ថប្រយោជន៍ដល់សហគមន៍ បរិស្ថាន និងប្រជាជនរបស់យើង។ បេសកកម្មរបស់យើងគឺកសាងកេរ្ដិ៍​ដំណែលប្រកបដោយចីរភាព និងស្របតាមតម្លៃស្នូល។​

​យុទ្ធសាស្រ្តចីរភាពរបស់យើងបានចាក់ឫសក្នុងសសរស្ដម្ភដ៏រឹងមាំដែលបានត្រួសត្រាយផ្លូវក្នុងការបង្កើតផលវិជ្ជមានជូនកម្ពុជា។ នៅឆ្នាំ 2023 សសរស្តម្ភចីរភាពទាំងបួនបានបន្តតម្រង់ទិសយើង លើរាល់កិច្ចការងារទាំងអស់៖​

  • ការជំរុញសង្គមឌីជីថល៖ យើងប្ដេជ្ញាខិតខំប្រឹងប្រែងបង្កើតនូវបរិយាប័ន្នឌីជីថល ផ្ដល់សិទ្ធិក្នុងការទទួលបានការអប់រំ និងការបណ្ដុះបណ្ដាលជំនាញ ក៏ដូចជាគាំទ្រសហគ្រិនគ្រប់ធន់​ ដើម្បីបង្កើតអនាគតប្រកបដោយសមធម៌ និងចីរភាព។​
  • ការជំរុញសេដ្ឋកិច្ចបៃតង៖  យុទ្ធសាស្រ្តរបស់យើងរួមមានការវាយតម្លៃហានិភ័យអាកាសធាតុ ការលើកកម្ពស់ដំណោះស្រាយសេដ្ឋកិច្ចវិលជុំ និងការទទួលយកអនុសាសន៍របស់ TCFD​ ដើម្បីជំរុញការរាយការណ៍ពីការបំភាយឧស្ម័នរបស់យើង។​
  • ការលើកកម្ពស់ប្រជាជននិងសហគមន៍៖  យើងផ្ដល់អាទិភាពដល់បុគ្គលិករបស់យើង បង្កើតកន្លែងការងារដែលប្រកបដោយភាពច្នៃប្រឌិតនិងបរិយាប័ន្ន ដោយសង្កត់ធ្ងន់ទៅលើភាពចម្រុះ សមធម៌ និងការរួមបញ្ចូលគ្នា (DEI) ទន្ទឹមនឹងការរួមចំណែកអប់រំ អភិវឌ្ឍន៍សហគមន៍ និងគំនិតផ្ដួចផ្ដើមនានា ដោយប្រើប្រាស់បច្ចេកវិទ្យាដើម្បីជួយដល់សហគមន៍ដែលត្រូវការជំនួយ។​
  • នាំមុខខាងអភិបាលកិច្ច និងទប់ស្កាត់ហានិភ័យ៖ យើងផ្ដល់អាទិភាពទៅលើទំនុកចិត្ត ទំនួលខុសត្រូវ និងក្រមសីលធម៌ ដើម្បីពង្រឹងជំហររបស់យើងជាក្រុមហ៊ុនដែលប្រកបដោយអនុលោមភាព អនុញ្ញាតឱ្យយើងអាចកែច្នៃ និងបង្កើតគុណតម្លៃសម្រាប់ភាគីពាក់ព័ន្ធ។​

នៅឆ្នាំ 2023 ក្រុមហ៊ុន Smart Axiata បានកសាងទំនុកចិត្តសម្រាប់អនាគតប្រកបដោយចីរភាព ហើយការប្ដេជ្ញាចិត្តរបស់យើងចំពោះសសរស្តម្ភទាំងនេះនឹងបន្តពង្រឹងការយកចិត្តទុកដាក់របស់យើងចំពោះការអភិវឌ្ឍប្រទេសកម្ពុជាប្រកបដោយចីរភាព។​

អានរបាយការណ៍ចីរភាពរបស់យើងដើម្បីស្វែងយល់ពីសកម្មភាពចីរភាពផ្សេងៗ​។​

សម្រាប់ព័ត៌មានបន្ថែម៖​ ចូលមើលទំព័រចីរភាព​

លោកអ្នកអាចទាញយករបាយការណ៍យើងទាញយករបាយការណ៍ (អង់គ្លេស)​