នៅក្រុមហ៊ុន Smart Axiata យើងមិនត្រឹមតែជាប្រតិបត្តិករទូរគមនាគមន៍ និងក្រុមហ៊ុនបច្ចេកវិទ្យាឈានមុខគេប៉ុណ្ណោះទេ យើងប្តេជ្ញាបង្កើតការផ្លាស់ប្តូរដ៏ល្អមួយយ៉ាងពិតប្រាកដ។ យើងបានពង្រឹងកិច្ចខិតខំប្រឹងប្រែងរបស់យើងដើម្បីបង្កើតផលវិជ្ជមានយូរអង្វែងសម្រាប់សហគមន៍ បរិស្ថាន និងប្រជាជនកម្ពុជា ។

និរន្តរភាព ជាតម្លៃស្នូលនៃទស្សនៈអាជីវកម្មរបស់ក្រុមហ៊ុន Smart Axiata ។ ពីការចាប់ផ្តើមយ៉ាងសាមញ្ញ យើងបានវិវត្តខ្លួនទៅជាក្រុមហ៊ុនមួយដែលឈានមុខគេនៅកម្ពុជា ក្នុងវិស័យទូរគមនាគមន៍ និងគមនាគមន៍ឌីជីថល។ ពួកយើងពិតជាមានមោទនភាព ដែលអាចចូលរួមចំណែកក្នុងការអភិវឌ្ឍវិស័យសេដ្ឋកិច្ច និងសង្គមក្នុងប្រទេសកម្ពុជា ក៏ដូចជាលទ្ធភាពក្នុងការធ្វើការផ្លាស់ប្តូរឲ្យកាន់តែប្រសើរឡើងកម្រិត ថ្នាក់ជាតិផងដែរ។

និរន្ដរភាពគឺជាគន្លឹះដ៏សំខាន់សម្រាប់ទស្សនវិជ្ជាអាជីវកម្មរបស់ក្រុមហ៊ុន Smart។ ដោយទទួលស្គាល់ពីទំនួលខុសត្រូវដ៏ធំរបស់ពួកយើង ក្រុមហ៊ុនត្រូវតែធានាថាអាជីវកម្មរបស់យើង រីកលូតលាស់ជាមួយនិងភាគីពាក់ព័ន្ធនិងសហគមន៍។​

ជំនួសដោយការបង្ហាញពីសមិទ្ធផលរបស់ក្រុមហ៊ុន ស្មាត អស្យាតា ដែលផ្អែកលើក្របខណ្ឌនិរន្ដរភាពរបស់យើងដូចឆ្នាំមុន របាយការណ៍និរន្ដរភាពឆ្នាំ២០១៩ ដែលមានឈ្មោះថា ​“ជីវិតកាន់តែប្រសើរ បង្កើនចីរភាពសហគមន៍” ឆ្នុះបញ្ជាំងពីការចូលរួមចំណែកក្នុងការអភិវឌ្ឍសេដ្ជកិច្ចសង្គមរបស់ក្រុមហ៊ុនក្នុងប្រទេសកម្ពុជានាឆ្នាំ២០១៩។

និរន្ដរភាពគឺជាគន្លឹះដ៏សំខាន់សម្រាប់ទស្សនវិជ្ជាអាជីវកម្មរបស់ក្រុមហ៊ុន Smart។ ដោយទទួលស្គាល់ពីទំនួលខុសត្រូវដ៏ធំរបស់ពួកយើង ក្រុមហ៊ុនត្រូវតែធានាថាអាជីវកម្មរបស់យើង រីកលូតលាស់ជាមួយនិងភាគីពាក់ព័ន្ធនិងសហគមន៍។​

ក្រៅពីអាជីវកម្មស្នូលរបស់ស្មាត ដែលជាប្រតិបត្តិករទូរគមនាគមន៍ចល័តឈានមុខគេនៅក្នុងប្រទេសកម្ពុជា និរន្តរភាពគឺជាផ្នែកដ៏សំខាន់មួយ នៃទស្សនវិជ្ជាអាជីវកម្មរបស់យើង។

និរន្តរភាព នៅក្នុងបរិបទនៃអាជីវកម្ម និងអង្គការ ជាធម្មតាសំដៅទៅលើវិធីដែលពួកគេគ្រប់គ្រងផលប៉ះពាល់របស់ពួកគេទៅលើខ្សែបាតបីនៃសេដ្ឋកិច្ច បរិស្ថាន និងសង្គមដែលនាំទៅដល់លទ្ធភាពជោគជ័យយូរអង្វែងរបស់អង្គការ សេដ្ឋកិច្ចដែលវាដំណើរការ និង សង្គមដែលវាបម្រើ។

ឆ្នាំ 2014 គឺជាខួបលើកទី 5 នៃប្រតិបត្តិការរបស់យើង។ រយៈពេលប្រាំឆ្នាំនោះ មានការរីកលូតលាស់យ៉ាងឆាប់រហ័សនៅក្នុងបណ្តាញគ្របដណ្តប់ ចំនួនអតិថិជន និងប្រតិបត្តិការហិរញ្ញវត្ថុរបស់យើង នៅពេលដែលយើងរីកចម្រើនពីការចាប់ផ្តើមតិចតួច ដើម្បីក្លាយជាប្រតិបត្តិករទូរស័ព្ទចល័តធំជាងគេទីពីរនៅក្នុងប្រទេស។